ವಿಜಯಪುರ : ರಾಜ್ಯ ಚುನಾವಣಾ ಆಯೋಗವು ವಿಜಯಪುರ ಮಹಾನಗರ ಪಾಲಿಕೆಯ 35 ವಾರ್ಡಗಳ ಚುನಾವಣೆ ದಿನಾಂಕ ನಿಗದಿಪಡಿಸಿ ರಾಜ್ಯ ಚುನಾವಣಾ ಆಯೋಗದ ಅಧಿನ ಕಾರ್ಯದರ್ಶಿ ಎಂ.ಎಸ್. ವೆಂಕಟೇಶ ಆದೇಶ ಹೋರಡಿಸಿದ್ದಾರೆ.
ಜಿಲ್ಲಾಧಿಕಾರಿಗಳು ಚುನಾವಣಾ ಅಧಿಸೂಚನೆಯನ್ನು ಹೊರಡಿಸುವ ದಿನಾಂಕ ಮತ್ತು ದಿನ 10-10-2022 , ನಾಮಪತ್ರಗಳನ್ನು ಸಲ್ಲಿಸಲು ಕೊನೆಯ ದಿನಾಂಕ 17-10-2022 ಸೋಮವಾರ ಅಂತಿಮ ದಿನವಾಗಿದ್ದು, 18-10-2022 ಮಂಗಳವಾರದಂದು ನಾಮಪತ್ರಗಳನ್ನು ಪರಿಶೀಲಿಸಲು ದಿನಾಂಕ ನಿಗದಿ ಮಾಡಲಾಗಿದೆ.
ಉಮೇದುವಾರಿಕೆಗಳನ್ನು ಹಿಂತೆಗೆದುಕೊಳ್ಳಲು 20-10-2022 ಗುರುವಾರ ನಾಮಪತ್ರ ವಾಪಸ್ಸ್ ಮಾಡಲು ನಿಗದಿ ಮಾಡಿದೆ, 28-10-2022 ಶುಕ್ರವಾರ ದಂದು ಚುನಾವಣೆ ದಿನಾಂಕ ವಾಗಿದ್ದು ಮರು ಮತದಾನದ ಅವಶ್ಯಕ ವಿದ್ದರೆ 30-10-2022 ನಡೆಸುವಂತೆ ಸೂಚಿಸಲಾಗಿದೆ. ಮತದಾನದ ಸಮಯ ಬೆಳ್ಳಿಗೆ 7-00 ಗಂಟೆಯಿಂದ ಸಾಯಂಕಾಲ 5-00 ಗಂಟೆವರೆಗೆ ಸಮಯ ನಿಗದಿ ಪಡಿಸಲಾಗಿದೆ. 31-10-2022 ರಂದು ಮತ ಎಣಿಕೆ ಬೆಳ್ಳಿಗ್ಗೆ 8 ಗಂಟೆಗೆ ಪ್ರಾರಂಭವಾಗಲಿದೆ ಎಂದು ಚುನಾವಣಾ ಆಯೋಗ ಆದೇಶ ಹೊರಡಿಸಿದೆ.
ರಾಜ್ಯದ ದಾವಣಗೆರೆ, ಕೊಲ್ಲಾರ, ಹಾಸನ, ಮಂಡ್ಯ, ಚಾಮರಾಜನಗರ, ಬೆಳಗಾವಿ, ಧಾರವಾಡ, ಹಾವೇರಿ, ಕಲಬುರಗಿ ಮತ್ತು ರಾಯಚೂರ ಜಿಲ್ಲೆಯಲ್ಲಿನ ಹಲವು ನಗರಸಭೆ, ಪುರಸಭೆ, ಪಟ್ಟಣ ಪಂಚಾಯತ ಕ್ಷೇತ್ರದ ಉಪಚುನಾವಣೆಯು ಇದೆ ಆದೇಶ ಅನ್ವಯವಾಗುತ್ತದೆ.
