ಆಲಮೇಲ: ಭೀಮಾ ನದಿ ಪ್ರವಾಹ ಹೆಚ್ಚುತ್ತಿದ್ದಂತೆ ತಾಲೂಕಿನ ಬಗಲೂರ, ಶಿರಸಗಿ, ಹವಳಗಿ ಸೇರಿದಂತೆ ಹಲವು ಹಳ್ಳಿಗಳಿಗೆ ಆಲಮೇಲ ತಾಹಸೀಲ್ದಾರ್ ಸುರೇಶ ಚವಲರ ಭೇಟಿ ನೀಡಿ, ನೀರಿನ ಪ್ರವಾಹ ಪರಿಶೀಲಿಸಿ ಅಲ್ಲಿರುವ ರೈತ ಮುಖಂಡರ ಜೊತೆ ಚರ್ಚಿಸಿ ಬೆಳೆ ಹಾನಿಯಾಗಿರುವ ರೈತರು ಆತಂಕ ಪಡುವ ಅವಶ್ಯಕತೆಯಿಲ್ಲ. ಪಂಡರಾಪುರ ಹತ್ತಿರ ನೀರಿನ ಪ್ರಮಾಣ ಕಡಿಮೆಯಾಗಿರುವದು ಕಂಡು ಬಂದಿದೆ. ಆದ್ದರಿಂದ ಇಲ್ಲಿಯೂ ಕೂಡ ನೀರಿನ ಪ್ರಮಾಣ ಕಡಿಮೆಯಾಗುವ ಎಲ್ಲ ಸಾಧ್ಯತೆಗಳಿವೆ. ಪ್ರವಾಹ ಕಡಿಮೆಯಾದ ಬಳಿಕ ಬೆಳೆ ಹಾನಿ ಪರಿಶೀಲನೆ ಮಾಡುವುದಾಗಿ ಹೇಳಿದರು.
ಈ ವೇಳೆ ಸಿಂದಗಿ ತಾಲೂಕಾ ಪಂಚಾಯತ ಕಾರ್ಯನಿರ್ವಾಹಕ ಅಧಿಕಾರಿ ಬಾಬು ರಾಠೋಡ ಗ್ರಾಮ ಲೆಕ್ಕಧಿಕಾರಿ ಎಸ್.ಎಸ್. ಹಳ್ಳಿ, ಪಿಡಿಓ ದೀಪಾ ಬೆನಕೋಟಗಿ, ಪೊಲೀಸ್ ಸಿಬ್ಬಂದಿ ನಿಂಗಣ್ಣ ಪೂಜಾರಿ, ಭೀಮು ಲಮಾಣಿ, ಗ್ರಾಮ ಸಹಾಯಕ ದೌಲತ್ರಾಯರ ಮಗ, ವಿಶ್ವಾನಾಥ ವಾಲಿಕಾರ ಇದ್ದರು.
ನದಿ ನೀರು ಹೆಚ್ಚಾಗಿ ಹೊಲಗದ್ದೆಗಳಿಗೆ ನುಗ್ಗಿದೆ ನದಿ ನೀರಿನ ಪ್ರಮಾಣ ಕಡಿಮೆಯಾದ ನಂತರ ಪರಿಶೀಲಿಸಿ ಬೆಳೆ ಹಾನಿಯಾಗಿರುವ ರೈತರಿಗೆ ಸರಕಾರದಿಂದ ಪರಿಹಾರ ಕೊಡಿಸುವ ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ. ನದಿ ನೀರು ಕಡಿಮೆಯಾಗುವವರೆಗೆ ಸಾರ್ವಜನಿಕರು ಮಕ್ಕಳು ಹಾಗೂ ವೃದ್ಧರನ್ನು ನದಿಯೆಡೆಗೆ ಸಂಚಾರ ಮಾಡಲು ಬಿಡಬೇಡಿ. ಬಾಬು ರಾಠೋಡ ಕಾರ್ಯನಿರ್ವಾಹಕ ಅಧಿಕಾರಿ ತಾಲೂಕು ಪಂಚಾಯತ
